Tingkesan Basa Sunda Kelas 8
Semester 2
1. Pakeman basa téh dina basa
Indonésia disebutna ungkapan kata atawa idiom.
2. Pakeman basa nuduhkeun ungkara
basa anu angger atawa geus matok. Ilaharna pakeman basa téh mangrupa kalimah
atawa gundukan kecap anu geus dipatok, geus ditaker diwatesanan, teu meunang
dirobah, boh dirobah susunan kecap-kecapna atawa éjahanana, boh dirobah
tempatna atawa dilemeskeun.
3. Aya rupa-rupa pakeman basa,
nyaéta babasan, paribasa, kekecapan, rakitan lantip, cacandran, candrasangkala,
uga, caturangga, jeung panyaraman.
a. Babasan: kecap atawa gundukan
kecap anu ngandung harti injeuman atawa kiasan. Contona: hampang birit.
b. Paribasa: ungkara basa
winangun kalimah anu ngandung harti babandingan minangka siloka lakuning hirup
manusa. Contona: Adat kakurung ku iga.
c. Kekecapan: kecap kiasan nu
geus jadi omong-omongan, satengah babasan. Contona: Dinangna-néngné.
d. Rakitan lantip: susůnan kecap
atawa ungkara kalimah anu dihartikeun henteu sacéréwéléna, tapi ku kabiasaan
maké dadasar kalantipan. Contona: Nyai, panggedéankeun kompor.
é. Cacandran: panataan kana
pasipatan tempat anu dibalibirkeun, diucapkeun ku karuhun urang jauh saméméh
kajadian. Contona: Bandung heurin ku tangtung.
f. Candrasangkala: kaweruh
ngeunaan taun kajadian hiji perkara anu dibalibirkeun tur maké taun Saka.
Contona: Panca Pandawa Ngemban Bumi (5521 → 1255 Saka atawa 1333 M).
g. Uga: ramalan ngeunaan maju
mundurna kaayaan nagara. Contona: Sunda kertaraharja mun Lebak Cawéné geus
kapanggih.
h. Caturangga: kaweruh pikeun
mikanyaho hadé goréngna watek kuda pikeun diingu. Contona: Wisnur murti.
i. Panyaraman: omongan anu eusina
panyarék sangkan ulah milampah hiji pagawéan. Contona: Ulah diuk dina lawang
panto, bisi nongtot jodo.
Thanks for reading Tingkesan Basa Sunda Kelas 8 Semester 2. Please share...!
0 Comment for "Tingkesan Basa Sunda Kelas 8 Semester 2"